Udupi District : Reserve Police Shankar Poojari

ಅಂತರಾಷ್ಟ್ರೀಯ ಅಥ್ಲೆಟಿಕ್ಸ್ – ಶಂಕರ್ ಗೆ 4 ಪದಕ

ಮಲೇಶಿಯಾ ದೇಶದ ಕಾಂಟನ್ಫಾಂಗ್ ನಲ್ಲಿ ಮೇ 31 ರಿಂದ ಜೂನ್ 2 ವರೆಗೆ ನಡೆದ 28ನೇ ಅಂತರಾಷ್ಟ್ರೀಯ ಮುಕ್ತ ಮಾಸ್ಟರ್ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಫ್ 2014 ರಲ್ಲಿ ಭಾರತ ದೇಶವನ್ನು ಪ್ರತಿನಿಧಿಸಿದ ಉಡುಪಿ ಜಿಲ್ಲಾ ಪೊಲೀಸ್ ಇಲಾಖೆ ಸಶಸ್ತ್ರ ಮೀಸಲು ಪಡೆಯ ಶಂಕರಪೂಜಾರಿ ಕಾಡಿನತಾರು ಇವರು 4 ಪದಕ ಪಡೆದಿರುತ್ತಾರೆ. 100 ಮೀಟರ್ ಓಟ ಮತ್ತು 200 ಮೀಟರ್ ಓಟದಲ್ಲಿ 2 ಬೆಳ್ಳಿ ಮತ್ತು 4x100 ಮೀಟರ್ ರಿಲೇ ಓಟದಲ್ಲಿ ಚಿನ್ನದ ಪದಕ ಮತ್ತು 4x100 ಮೀಟರ್ ರಿಲೇ ಓಟದಲ್ಲಿ 2ಚಿನ್ನದ ಪದಕ ಒಟ್ಟು 4 ಪದಕ ಪಡೆದಿರುತ್ತಾರೆ.
  ಈ ಕ್ರೀಡಾ ಕೂಟದಲ್ಲಿ ಒಟ್ಟು 13  ದೇಶದ ಕ್ರೀಡಾಪಟುಗಳು ಭಾಗವಹಿಸಿರುತ್ತಾರೆ. ಶಂಕರ್ ಇವರು ಮೂಲತ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಬಿಜೂರು ಗ್ರಾಮದ ಕಾಡಿನ ತಾರು. ಇವರ ಸಾಧನೆಯನ್ನು ಉಡುಪಿ ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಎಂ.ಬಿ.ಬೋರಲಿಂಗಯ್ಯ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಸಂತೋಷ್ಕುಮಾರ್ ಮತ್ತು ಕಾರ್ಕಳ ಸಹಾಯಕ ಪೊಲೀಸ್ ಅಧೀಕ್ಷಕರಾದ ಅಣ್ಣಾಮಲೈ ಅಭಿನಂದಿಸಿರುತ್ತಾರೆ.